ਹੁਣ ਐਨਕਾਂ ਕੋਈ ਲੋੜ ਨਹੀਂ, ਐਨਕ ਬਗੈਰ ਵੀ ਫੁੱਲ ਬਟਾ ਫੁੱਲ ਹੋਵੇਗੀ ਨਿਗਾਹ!/ਵਿਸ਼ੇਸ਼ ਰਿਪੋਰਟ-ਜਸਬੀਰ ਵਾਟਾਂਵਾਲੀਆ
ਕਲਪਨਾ ਕਰੋ ਕਿ ਤੁਹਾਡੀ ਨਿਗ੍ਹਾ ਅਚਾਨਕ ਹੀ ਫੁੱਲ ਬਟਾ ਫੁੱਲ ਹੋ ਗਈ ਹੈ ਅਤੇ ਹਰ ਸਵੇਰ ਹੁਣ ਤੁਹਾਨੂੰ ਐਨਕਾਂ ਲੱਭਣ ਦੀ ਲੋੜ ਨਹੀਂ ਰਹੀ। ਜੀਂ ਹਾਂ ਨੇਤਰ ਵਿਗਿਆਨੀਆਂ ਦੀ ਇੱਕ ਮਹੱਤਵਪੂਰਨ ਕਾਢ ਦੇ ਕਾਰਨ, ਇਹ ਹਕੀਕਤ ਹੁਣ ਤੁਹਾਡੀ ਪਹੁੰਚ ਵਿੱਚ ਹੈ। ਵਿਗਿਆਨੀਆਂ ਨੇ ਅੱਖਾਂ ਦੀਆਂ ਅਜਿਹੀਆਂ ਬੂੰਦਾਂ ਵਿਕਸਤ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ ਜੋ ਪ੍ਰੈਸਬਾਇਓਪੀਆ ਤੋਂ ਪੀੜਤ ਲੋਕਾਂ ਵਿੱਚ ਨੇੜੇ ਦੀ ਨਜ਼ਰ ਨੂੰ ਬਹਾਲ ਕਰ ਸਕਦੀ ਹੈ।
ਚਮਤਕਾਰੀ ਅੱਖਾਂ ਦੀਆਂ ਬੂੰਦਾਂ ਕਿਵੇਂ ਕਰਦੀਆਂ ਹਨ ਕੰਮ ਅਤੇ ਕੀ ਹੈ ਇਸ ਪਿੱਛੇ ਵਿਗਿਆਨ
ਇਹ ਚਮਤਕਾਰੀ ਬੂੰਦਾ ਦੋ ਸ਼ਕਤੀਸ਼ਾਲੀ ਤੱਤਾਂ ਨੂੰ ਜੋੜਦੀਆਂ ਹਨ ਜੋ ਕਿ ਪਾਈਲੋਕਾਰਪਾਈਨ ਅਤੇ ਡਾਈਕਲੋਫੇਨੈਕ ਹਨ। ਪਾਈਲੋਕਾਰਪਾਈਨ ਦਾ ਕਾਰਜ ਪੁਤਲੀ ਨੂੰ ਸੁੰਗੇੜ ਕੇ ਅਤੇ ਸਿਲੀਰੀ ਮਾਸਪੇਸ਼ੀ ਨੂੰ ਸਰਗਰਮ ਕਰਨਾ ਹੁੰਦਾ ਹੈ, ਜਿਸ ਨਾਲ ਮਨੁੱਖੀ ਅੱਖ ਨੇੜੇ ਦੀਆਂ ਵਸਤੂਆਂ ’ਤੇ ਆਪਣਾ ਧਿਆਨ ਕੇਂਦਰਿਤ ਕਰ ਸਕਦੀ ਹੈ। ਇਸ ਦਵਾਈ ਵਿਚ ਮੌਜੂਦ ਡਾਇਕਲੋਫੇਨੈਕ, ਪਾਈਲੋਕਾਰਪਾਈਨ ਕਾਰਨ ਹੋਣ ਵਾਲੀ ਸੋਜ ਅਤੇ ਬੇਅਰਾਮੀ ਨੂੰ ਘਟਾਉਂਦਾ ਹੈ। ਇਸ ਤਰ੍ਹਾਂ ਦੋ ਦਵਾਈਆਂ ਦਾ ਕੌਬੀਨੇਸ਼ਨ ਪ੍ਰੈਸਬਾਇਓਪੀਆ ਦੇ ਮਰੀਜ਼ਾਂ ਲਈ ਸ਼ਕਤੀਸ਼ਾਲੀ ਹੱਲ ਪ੍ਰਦਾਨ ਕਰਦਾ ਹੈ।
80 ਫੀਸਦੀ ਤੋਂ ਵੱਧ ਮਰੀਜ਼ਾਂ ਦੀ ਨਿਗ੍ਹਾ ਇੱਕ ਸਾਲ ਬਾਅਦ ਵੀ ਸਹੀ ਤਰ੍ਹਾਂ ਕੰਮ ਕਰਦੀ ਰਹੀ
ਯੂਰਪੀਅਨ ਸੋਸਾਇਟੀ ਆਫ਼ ਕੈਟਾਰੈਕਟ ਐਂਡ ਰਿਫ੍ਰੈਕਟਿਵ ਸਰਜਨਜ਼ 2025 ਕਾਂਗਰਸ ਵਿੱਚ ਪੇਸ਼ ਕੀਤੇ ਗਏ ਇੱਕ ਤਾਜ਼ਾ ਅਧਿਐਨ ਵਿੱਚ, ਖੋਜਕਰਤਾਵਾਂ ਨੇ ਜਿਨ੍ਹਾਂ ਮਰੀਜ਼ਾਂ ਨੇ ਅੱਖਾਂ ਵਿਚ ਦਵਾਈ ਦੀਆਂ ਬੂੰਦਾਂ ਦੀ ਵਰਤੋਂ ਕੀਤੀ, ਉਨ੍ਹਾਂ ਨੇ ਪਹਿਲੀ ਖੁਰਾਕ ਤੋਂ ਸਿਰਫ਼ ਇੱਕ ਘੰਟੇ ਦੇ ਅੰਦਰ-ਅੰਦਰ ਨੇੜਲੀ ਨਜ਼ਰ ਵਿਚ ਚਮਤਕਾਰੀ ਵਾਧਾ ਹੋਇਆ। ਇਸ ਤੋਂ ਬਾਅਦ ਮਰੀਜ਼ਾਂ ਨੂੰ ਇਹ ਲਾਭ ਦੋ ਸਾਲਾਂ ਤੱਕ ਰਹੇ, ਜ਼ਿਆਦਾਤਰ ਮਰੀਜ਼ਾਂ ਨੇ ਜੈਗਰ ਚਾਰਟ ‘ਤੇ ਦੋ ਤੋਂ ਤਿੰਨ ਵਾਧੂ ਲਾਈਨਾਂ ਪੜ੍ਹਨ ਦੀ ਯੋਗਤਾ ਪ੍ਰਾਪਤ ਕੀਤੀ। 80 ਫੀਸਦੀ ਤੋਂ ਵੱਧ ਮਰੀਜ਼ਾਂ ਦੀ ਨਿਗ੍ਹਾ ਇੱਕ ਸਾਲ ਬਾਅਦ ਵੀ ਸਹੀ ਤਰ੍ਹਾਂ ਕੰਮ ਕਰਦੀ ਰਹੀ ।
ਅਪਰੇਸ਼ਨ ਕਰਵਾਉਣ ਅਤੇ ਐਨਕ ਲਗਾਉਣ ਤੋਂ ਮਿਲੇਗਾ ਛੁਟਕਾਰਾ
ਅੱਖਾਂ ਦੀ ਦਵਾਈ ਦੀਆਂ ਇਹ ਬੂੰਦਾ ਐਨਕਾਂ ਜਾਂ ਸਰਜਰੀ ਦੇ ਵਿਰੋਧ ਵਜੋਂ ਸ਼ਾਨਦਾਰ ਵਿਕਲਪ ਹਨ, ਜੋ ਉਮਰ-ਸਬੰਧਤ ਨਜ਼ਰ ਦੀ ਗਿਰਾਵਟ ਨਾਲ ਜੂਝ ਰਹੇ ਲੱਖਾਂ ਲੋਕਾਂ ਲਈ ਇੱਕ ਸੁਵਿਧਾਜਨਕ ਅਤੇ ਪਹੁੰਚਯੋਗ ਹੱਲ ਪ੍ਰਦਾਨ ਕਰਦੇ ਹਨ। ਹੋਰ ਖੋਜ ਅਤੇ ਸੁਧਾਰਾਂ ਨਾਲ, ਇਹ ਸਫਲਤਾ ਪ੍ਰੈਸਬਾਇਓਪੀਆ ਅਤੇ ਹੋਰ ਉਮਰ-ਸਬੰਧਤ ਨਜ਼ਰ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਦੇ ਤਰੀਕੇ ਵਿੱਚ ਕ੍ਰਾਂਤੀ ਲਿਆ ਸਕਦੀ ਹੈ।
80 ਸਾਲ ਤੱਕ ਦੇ ਮਰੀਜ਼ ਲਈ ਵੀ ਚਮਤਕਾਰੀ ਰਹੇ ਨਤੀਜੇ
ਅਧਿਐਨਾਂ ਰਾਹੀਂ ਸਾਹਮਣੇ ਆਇਆ ਹੈ ਕਿ ਪਾਈਲੋਕਾਰਪਾਈਨ ਅਤੇ ਡਾਈਕਲੋਫੇਨੈਕ ਵਾਲੀਆਂ ਅੱਖਾਂ ਦੀਆਂ ਬੂੰਦਾਂ ਪ੍ਰੈਸਬਾਇਓਪੀਆ ਵਾਲੇ ਲੋਕਾਂ ਵਿੱਚ ਨੇੜਲੀ ਨਜ਼ਰ ਨੂੰ ਸੁਧਾਰ ਸਕਦੀਆਂ ਹਨ ਅਤੇ ਦੋ ਸਾਲਾਂ ਤੱਕ ਚੱਲਦੀਆਂ ਹਨ। ਇਹ ਤਜ਼ਰਬੇ ਔਸਤ ਉਮਰ 55 ਸਾਲ ਦੇ ਲੋਕਾਂ ’ਤੇ ਕੀਤੇ ਗਏ ਅਤੇ ਕੁਝ ਤਜਰਬਿਆਂ ਵਿੱਚ 40 ਸਾਲ ਦੀ ਉਮਰ ਦੇ ਮਰੀਜ਼ ਅਤੇ ਕੁਝ ਵਿਚ 80 ਸਾਲ ਤੱਕ ਦੇ ਮਰੀਜ਼ ਵੀ ਸ਼ਾਮਲ ਸਨ। ਕਲੀਨਿਕਲ ਅਜ਼ਮਾਇਸ਼ਾਂ ਮੁੱਖ ਤੌਰ ‘ਤੇ 40-55 ਸਾਲ ਦੀ ਉਮਰ ਦੇ ਬਾਲਗਾਂ ‘ਤੇ ਕੇਂਦ੍ਰਿਤ ਸਨ। ਹੋਰ ਤਜਰਬਿਆਂ ਅਨੁਸਾਰ 40-59 ਸਾਲ ਦੀ ਉਮਰ ਦੇ ਮਰੀਜ਼ਾਂ ਵਿੱਚ ਇਸ ਦਵਾਈ ਨੇ ਸ਼ਾਨਦਾਰ ਨਤੀਜੇ ਦਿਖਾਏ ਗਏ ਹਨ।
ਰਿਪੋਰਟ ਦਾ ਪੁਖਤਾ ਵਿਸਥਾਰ ਦੇਖਣ ਲਈ ਲਿੰਕ ’ਤੇ ਕਰੋ ਕਲਿਕ
- ਸਾਇੰਸ ਦੀਆਂ ਹੋਰ ਚਮਤਕਾਰੀ ਖੋਜਾਂ ਬਾਰੇ ਹੇਠਾਂ ਦਿੱਤੇ ਲਿੰਕਾਂ ਤੇ ਕਰੋ ਕਲਿਕ
- ਹੁਣ ਤੁਹਾਡੀ ਜੇਬ ’ਚ ਹੋਵੇਗੀ ਪ੍ਰਮਾਣੂ ਊਰਜਾ
- ਇਹ ਵੀ ਪੜ੍ਹੋ : NASA ਚੰਦ ’ਤੇ ਬਣਾਵੇਗਾ ਪ੍ਰਮਾਣੂ ਰਿਐਕਟਰ, 2030 ਤੱਕ ਹੋਵੇਗੀ ਬਿਜਲੀ ਦੀ ਜਗਮਗ
- ਇਹ ਵੀ ਪੜ੍ਹੋ : Liquid Robot-ਬਣਾ ਕੇ ਦੱਖਣੀ ਕੋਰੀਆ ਨੇ ਹਿਲਾਈ ਦੁਨੀਆ
- ਇਹ ਵੀ ਪੜ੍ਹੋ : The child was 30 years old at birth- ਜੰਮਦਿਆਂ ਹੀ ਬੱਚੇ ਦੀ ਉਮਰ ਹੋਈ 30 ਸਾਲ
- ਇਹ ਵੀ ਪੜ੍ਹੋ : Which Country’s Media Run the most Fake News